Connect with us

Labarai

Kotu ta aike da wasu jami’an Civil Defence gidan gyaran hali

Published

on

Kotun majistret mai lamba 20 karkashin mai shari’a Muhammad Jibrin ta aike da wasu jami’an kare fararen hula Civil Defence da wasu jami’an sintiri gidan gyaran hali.

Cikin ‘yan viglanteen Sun hadar da Abdullahi Adamu da Najib Haruna da Abubakar Nura da Badaru Haruna da Mustafa Ado da kuma Yunusa Abubakar sai Umar Idris.

Tun da farko ‘yansanda ne suka gurfanar da su bisa zargin hada baki sanadin rauni da kuma laifin kisan kai laifukan da suka saba da sashi na 97,247 da sashi na 224 na kundin ACJA.

Kunshin tuhumar ya bayyana cewar yan sintirin su 7 sun kama wani matashi mai suna shu’aibu Hussaini dake unguwar Jaen inda sukayi ta jibgar sa daga karshe suka mika shi ofishin jami’an Civil Defence dan fadada bincike.

Sai dai daga karshe matashin ya rasa ransa dan haka ‘yansanda suka gurfanar da su.

Bayan karanta kunshin tuhumar, dukkansu sun musanta zarge- zargen.

Kotun ta kuma aike da su zuwa ranar 24 ga watan gobe don jiran shawarar lauyoyin gwamnati.

Wakilinmu Yusuf Nadabo ya yi yunkurin jin ta bakinsu sai dai abin ya ci tura.

Labarai

Corona: A yi maka gwaji idan ka kusance ni a kwanannan – Amitabh Batchchan

Published

on

Fitaccen jarumin masana’antar Bollywood a kasar Indiya, Amitabh Bachchan, ya kamu da cutar Corona bayan gwaji da a ka yi masa a yau Asabar.

Jarumin wanda ya dade ya na shura a masana’antar ya tabbatar da hakan ne a shafin sa na Tiwitter cewa bayan gwaji da a ka yi masa an tabbatar masa ya kamu da cutar Covid-19.

Ya ce” Yanzu haka iyalai na da kuma ma’aikata na dukan su an yi mu su gwajin cutar, kawai sakamako mu ke jira. Kuma ina kira ga duk wanda ya yi mu’amala da ni cikin kwanaki 10 da su ka wuce ya je a yi masa gwajin cutar”. A cewar Amitabh.

Yanzu haka dai an kulle Bengaluru da kuma wasu yankunan tun daga karfe 8 na safe har zuwa biyar na yamma wanda dokar za ta fara aiki a ranar 14 zuwa 22 ga watan da mu ke ciki, saboda barkewar cutar da a ka samu.

Wasu daga cikin abokan san a cikin shafin san a Twitter tuni su ka rinka yi wa jarumin fatan samun lafiya cikin gaggawa.

Continue Reading

Labarai

Ku tsarkake harshen ku daga jefa kai ga halaka – Shauki Harazimi

Published

on

Na’ibin masallacin juma’a na Aramma Abubakar Dan Tsakuwa dake unguwar Ja’en Yamma (B) a karamar hukumar Gwale a jihar Kano, Mallam Muhammad Sabi’u Musa (Shauki Harazimi), ya yi kira ga al’ummar musulmai da su kara tsarkake harshen su, domin gudun jefa kai ga halaka.

Mallam Muhammad Sab’iu yayi kiran ne jim kadan bayan kammala sallar Juma’a wanda hudubar da ya jagoranta ta fi mayar da hankali a kan fadin alkhairi ko kuma yin shiru.

Ya na mai cewa” Matukar al’umma za su rinka tsarkake harshen su a yayin da za su yi magana, babu shakka za su kara gujewa fadawa cikin halin da na sa ni a rayuwar su. Al’umma su kara kusanci da yin zikiran Manzon Allah (S.A.W) a mai makon su rinka zantukan wasu su na mu su kage wanda hakan zai iya jefa mutum ga halaka.

Wakilin mu rawaito cewa, Mallam Muhammad Sabi’u Musa ya kuma ce matukar al’umma su ka ga abu idan sun yadda da shi zai iya haifar da matsala ko da kuwa ya faru, toh su yi shiru saboda gudun tashin fitina a tsakanin su.

Continue Reading

Labarai

Wajibi ne al’umma su san rukunan musulunci – Liman

Published

on

Limamin masallacin juma’a na Haruna Tahir da ke unguwar Gyadi-Gyadi, Malam Muhammad Lawan Musa ya ce, wajibi ne ga musulmi ya san rukunan musulunci da kuma imani guda shida.

Limamin ya bayyana hakan ne a hudubar sa ta yau juma’a da ya gudanar a masallacin.

Ya na mai cewa, “Musulmi ya san a kan abun da ya ke dogaro, kada ya dogara ga wanin Allah ya dogara da Allah, kuma ya san sharuddan da Allah ya dora masa, zai tafi a kan su. Ya yi imani da Allah, ya tsayar da sallah ya bada zakka, ya je aikin hajji, sannan ya yi azumin watan ramadana yadda shari’a ta nuna, sai kuma imani da Mala’iku da Manzanni, da Litattafai da ranar alkiyama, da kuma kaddara mai kyau da mara kyau”.

Ya kara da cewa, “Da yawa wani idan kaddarar ta same shi baya fawwala al’amarin sa zuwa ga Allah, sai ya danganta shi da wani. Kuma yin da’awa al’amari ne mai muhimmanci ga al’umma”. Inji Malam Muhammad Lawan.

Wakilin mu Abubakar Sabo ya rawaito cewa, Malam Muhammad Lawan Musa ya kuma yi kira ga al’umma da su ji tsoron Allah, su bibiyi shari’ar Allah kuma su yi imani da ita, sannan su aika ta su, da haka za’a samu tsira duniya da lahira.

Continue Reading

Trending

error: Content is protected !!
en_USEnglish
en_USEnglish