Connect with us

Manyan Labarai

Masu yoyon fitsari sun samu tallafin Akuyoyi

Published

on

Kwamishiniyar mata ta jihar Kano, Dr Zahra’u Muhammad Umar, ta nemi mazaje musamman ma ma’aurata da su rika tausayawa iyalan su wadanda suka kamu da lalurar yoyon fitsari.

Dr. Zahra’u Muhammad Umar, ta yi kiran ne a ya yin da gidauniyar Fistula Foundation ta yi taron ya ye mata masu dauke da lalurar yoyon fitsari kimanin su dari, wanda gidauniyar ta aurar da wasu daga cikin su wasu kuwa suka samu tallafi.

Taron wanda ya gudana a Asibitin yoyon fitsari dake unguwar Gini a karamar hukumar Birni, wanda a ka gudanar da shi a karshen makon da ya gabata.

Tana mai cewa” Tausayawa matan masu dauke da lalurar yoyon fitsarin zai taimaka musu wajen rage damuwar da suke ciki ta lalurar, sakamakon wasu magidantan da zarar matan  sun kamu da cutar sai su fara kyamatar su daga baya kuma sai su rabu da matan dalilin wannan cutar ta yoyon fitsari”.

Ta kuma ce” Mu ma a namu bangaren gwamnatin Kano ta na bakin kokarin ta wajen samawa masu lalurar magani ba tare da gajiyawa ba, duka dai domin ganin an kawar da lalurar”. Inji Dr Zahra’u

Da yake nasa jawabin shugaban gidauniyar ta Fistula Foundation, Mallam Musa Isah, yace ”Duk da cewa kyauta muke yi wa matan magani, amma mafi yawan lokuta mukan fuskanci kalubale daga bangaren mazajen matan, domin kuwa bamu fiye amincewa a yi wa matan nasu magani ba, wanda gaskiya sun fi gwammacewa su je ga bokaye ko kuma ‘yan bori domin nemawa matan magani, wanda hakan yakan ba su matsala daga mazajen su”.

A nasu bangaren wasu da su ka ci gajiyar gidauniyar da su ka zo daga wurare daban-daban sun ce” Wannan ya zama wajibi mu nuna farin cikin mu sakamakon irin wannan abun alherin da a ka yi mana gashi har an ya ye mu”. Inji wasu daga cikin matan da su ka ji gajiya.

Wakilin Hassan Mamuda Ya’u ya rawaito cewa, a yayin taron gidauniyar ta rarrabawa matan kayayyakin sana’o’in dogaro da kai, wadanda suka hadar da injin markade,  sana’ar kiwo da dai sauran su.

Labarai

Marayu da marasa galihu na bukatar taimakon al’umma – Limami

Published

on

Wani malamin Addinin musulunci a jihar Kano ya bukaci al’umma da su dage wajen taimakawa marayu da marasa galihu dake cikin al’umma.

Limamin masallacin juma’a na Bilal Bn Rabah da ke garin Taura a Jihar Jigawa Dakta Isah Salisu Yaro ne ya bayyana haka jim kadan bayan kammala bude sabon masallacin juma’a na Shu’aibu Ali, dake Unguwar Ayagi a cikin karamar hukumar Dala a nan Kano.

Ya ce, “Taimakawa addini abu ne da al’ummar musulmi ya kamata su rinka a ko da yaushe”. Inji Dakta Isah Salihu.

A na sa jawabin limamin masallacin Ustaz Kabiru Sani Salihu, kira ya yi ga al’umma da su zama masu yawan godiya ga Allah (S.W.T) a kan ni’imar da ya yi wa bayin sa.

Continue Reading

Labarai

Rahoto: A guji amfani da matasa domin tayar da rigima a wajen zabe – Limami

Published

on

Limamin masallacin juma’a na Shelkwatar rundunar ‘yan sanda da ke Bompai SP Abdulkadir Haruna ya bukaci shugabanni da su guji amfani da matasa wajen tayar da hankalin al’umma a wajen zabe.

SP Abdulkadir Haruna ya bayyana hakan ne jim kadan bayan idar da sallar Juma’a, yayin da ya ke yiwa wakilin mu Abba Isah Muhammad Karin gaske akan abinda hudubar ta kunsa.

Domin jin cikakken rahoton saurari wannan.

Continue Reading

Labarai

Ya zama wajibi mu rinka yiwa tsofaffin sojoji addu’a – Ganduje

Published

on

Gwamnan Kano Dr Abdullahi Umar Ganduje ya ce ya zama wajibi a rika yiwa tsoffin sojoji addu’a saboda  sadaukar da rayuwar su wajen tabbatar da ci gaban kasar su.

Gwamna Dr Abdullahi Umar Ganduje ya bayyana hakan ne a ranar Juma’a yayin bikin tunawa da tsoffin sojojin da suka hidimtawa kasa.

Ya ce, “Da dama daga cikin tsoffin sojoji sun rasa rayuwar su ne wajen ganin kasar nan  ta zauna lafiya da kwantar da tarzoma adon haka ya zama lallai a rika tunawa dasu da Yi musu addu’a”. A cewar Ganduje.

Wakiliyar mu Zahrau Nasir ta rawaito cewa, an gudanar da faretin tunawa da tsoffin sojojin yayin taron.

Continue Reading

Trending

error: Content is protected !!