Connect with us

Manyan Labarai

An gano dalilin da mata ke kashe mazajan su

Published

on

Wani masanin zamantakewar halayyar dan Adam a jami’ar Bayero ta Kano, Dr. Sani Lawan Malumfashi, ya bayyana yawaitar kashe-kashen da ake samu tsakanin ma’aurata cewa na da alaka da rashin daidaiton koyi da kyawawan hallaiyar manzon Allah S.A.W.

Malumfashi, ya bayyana hakan ne a zantawar sa da gidan rediyon Dala a yau Litinin.

Ya kuma kara da cewa” Akwai yawan karatu tsakanin al’umma, amma kuma babu ilimi duk da yawaitar makarantun da a ke da su wanda hakan na kara taka rawa wajen samun kisa a tsakanin ma’aurata”.

A nasa bangaren Kyaftin Abdullahi Bakoji Adamu, cewa ya yi” al’amuran kisan kai tsakanin ma’aurata ya na da alaka da hassada a tsakanin juna”.

Haka zalika, sun kuma bukaci iyaye su maida hankali wajen tabbatar da cewar ‘ya’yan su sun samu karatu da kuma ilimin zamantakewar aure kafin aurar da su.

Labarai

Marayu da marasa galihu na bukatar taimakon al’umma – Limami

Published

on

Wani malamin Addinin musulunci a jihar Kano ya bukaci al’umma da su dage wajen taimakawa marayu da marasa galihu dake cikin al’umma.

Limamin masallacin juma’a na Bilal Bn Rabah da ke garin Taura a Jihar Jigawa Dakta Isah Salisu Yaro ne ya bayyana haka jim kadan bayan kammala bude sabon masallacin juma’a na Shu’aibu Ali, dake Unguwar Ayagi a cikin karamar hukumar Dala a nan Kano.

Ya ce, “Taimakawa addini abu ne da al’ummar musulmi ya kamata su rinka a ko da yaushe”. Inji Dakta Isah Salihu.

A na sa jawabin limamin masallacin Ustaz Kabiru Sani Salihu, kira ya yi ga al’umma da su zama masu yawan godiya ga Allah (S.W.T) a kan ni’imar da ya yi wa bayin sa.

Continue Reading

Labarai

Rahoto: A guji amfani da matasa domin tayar da rigima a wajen zabe – Limami

Published

on

Limamin masallacin juma’a na Shelkwatar rundunar ‘yan sanda da ke Bompai SP Abdulkadir Haruna ya bukaci shugabanni da su guji amfani da matasa wajen tayar da hankalin al’umma a wajen zabe.

SP Abdulkadir Haruna ya bayyana hakan ne jim kadan bayan idar da sallar Juma’a, yayin da ya ke yiwa wakilin mu Abba Isah Muhammad Karin gaske akan abinda hudubar ta kunsa.

Domin jin cikakken rahoton saurari wannan.

Continue Reading

Labarai

Ya zama wajibi mu rinka yiwa tsofaffin sojoji addu’a – Ganduje

Published

on

Gwamnan Kano Dr Abdullahi Umar Ganduje ya ce ya zama wajibi a rika yiwa tsoffin sojoji addu’a saboda  sadaukar da rayuwar su wajen tabbatar da ci gaban kasar su.

Gwamna Dr Abdullahi Umar Ganduje ya bayyana hakan ne a ranar Juma’a yayin bikin tunawa da tsoffin sojojin da suka hidimtawa kasa.

Ya ce, “Da dama daga cikin tsoffin sojoji sun rasa rayuwar su ne wajen ganin kasar nan  ta zauna lafiya da kwantar da tarzoma adon haka ya zama lallai a rika tunawa dasu da Yi musu addu’a”. A cewar Ganduje.

Wakiliyar mu Zahrau Nasir ta rawaito cewa, an gudanar da faretin tunawa da tsoffin sojojin yayin taron.

Continue Reading

Trending

error: Content is protected !!