Connect with us

Labarai

Covid 19: Karamar hukumar Nasarawa ta bada lambar kiran gaggawa

Published

on

Majalissar karamar hukumar Nassarawa ta fitar da lambar kiran gaggawa idan an samu wanda ake zargin ya na dauke da alamomin cutar Corona Virus a karamar hukumar.

Wata sanarwa mai dauke da sahanun jami’in hulda da jama’a na karamar hukamar, Hassan Muhammad, ta rawaito cewa an bayyana lambar 08036824109 a matsayin lambar da al’ummar za su kirawo domin sanar da jami’an lafiya.

Sanarwar ta kuma rawaito cewa, a yayain taron kaddamar da wani kwamatin mutane bakwai, wadanda za su yi aikin wayar da kan al’umma kan matakan dakile yaduwar cutar.

Shugaban karamar hukumar, Lamin Sani, ya kuma ja hankalin ma su sarautun gargajiya da su mayar da hankali wajen wayar da kan al’umma, ya na mai cewa” Karamar hukumar a shirye ta ke da ta ci gaba da samar da kayan aiki a asibitocin yankin, domin inganta lafiyar al’ummar karamar hukumar da ma jihar Kano baki daya”. Inji Lamin Sani.

Click to comment

You must be logged in to post a comment Login

Labarai

Gwamnati sai ta kara tsaurara matakan shigowa Kano -Danbaito

Published

on

Wani Lauya mai zaman kansa a jihar Kano Barista Umar Usman Dan Baito, ya ce, kundin tsarin mulkin kasa sashi na 305, ya bawa Shugaban kasa damar da zai saka dokar ta baci a cikin kasar da yake mulki matukar hakan zai samar da mafita akan wani yanayi da kasar ta shiga.

Barista Dan Baito ya bayyana hakan ne ta cikin shirin Shari’a a aikace na gidan Rediyon Dala, wanda ya gudana a yau Laraba.

Ya ce, “Dokar kasa ta kuma bayar da damar daukan mataki ga dukkanin mutumin da ya karya dokar da gwamnati ta sanya”. Inji Dan baito.

Dan Baito ya kuma yi kira ga gwamnatin Kano da ta kara tsaurara matakan tsaro kan dokar rufe iyakokin kano da aka yi, kasancewar duk da an rufe iyakokin, amma mutane suna cigaba da shigowa Kano ta barauniyar hanya daga wasu jahohinn kasar nan.

Continue Reading

Labarai

Za muyi maganin masu shigowa Kano ta barauniyar Hanya -Ganduje

Published

on

Gwamnan jihar Kano Dr. Abdullahi Umar Ganduje ya ce, basu gamsu da yadda direbobi har yanzu suke shigowa jihar Kano ta barauniyar hanya da fasinjoji ba, a don haka zasu dauki matakan dakile ratsen da direbobin suke yi.

Gwamna Ganduje ya bayyana hakan ne a zantawarsu da wakilinmu Abba Isah Muhammad, yayin wata ziyarar ganin yadda iyakar shigowa jihar Kano take gudana, a jiya Litinin.

Ya kuma ce, “Duk barauniyar hanyar da ake bi domin shigo da fasinjoji za mu toshe ta, inda direbobin kan ajiye fasinjojin a baya, sai su shigo su hadu a hanya su karaso da su cikin jihar Kano”. A cewar Ganduje.

Wani mai sana’ar Achaba mai suna Ibrahim mazaunin Kwanar Dangora ya ce, “Da safe na tashi naga an rufe gate, kuma samun kudi ada yafi, yanzu ba gashi kaga ana wucewa ba, daga nan kwanar Dangora, wasu na karbar dari biyar amma ni dari biyu nake karba”.

Haka zalika, wani mazaunin Tunkuna a karamar hukumar Kiru, Abdullahi Idris ya bayyana cewa, “Muna ganin halin da masu tafiya ke shiga, wani ma zai sauka bashi da abinda zai ci, kuma ga ma’aikata in an bi nan su tare. mu nan da ake tare wa ba zai taru ba, sai dai duk hayyoyin nan a rufe. Akwai hanya mai zuwa Faki, Jan Marmara dake jihar Kaduna zaka iya haurowa ka shigo Kano”.

Shima wani direban mota, Muhammadu Kabir, ya ce, “mu dai jihar Kano Alhamdulillahi. mu na kaucewa jami’an tsaro mu shigo jihar Kano, amma komai yana iya faruwa, tunda an ce cuta ce da take bin iska, bayan an sa dokar shigowa jihar Kano da fasinjoji, na shigo Kano yafi sau biyu”.

Continue Reading

Labarai

Yadda kasuwar garin Dawakin Kudu ta ci a yau

Published

on

Yayin da jami’an lafiya da mahukunta suke bada shawarwarin takaita cakuduwa da al’umma da kuma yawaita wanke hannu domin kaucewa kamuwa da cutar Coronavirus, Dala FM ta ziyarci babbar kasuwar garin Dawakin Kudu dake jihar Kano.

A yayin ziyarar dai, mun iske al’umma na ci gaba da gudanar da harkokinsu ba tare da wani tsaiko ba, babu wasu matakai na hana cakuduwa ko wanke hannu da ake dauka a kasuwar, kamar yadda ‘yan kasuwar suka bayyana mana.

Wannan na zuwa ne yayin da manyan kasuwanni a kwaryar birnin Kano suka dauki matakai takaita cakuduwa da kuma tilasta wanke hannu ga masu zuwa kasuwannin.

Garin Dawakin Kudu dai bashi da nisa da kwaryar birnin Kano, domin kuwa tafiya ce mai nisan kilo mita ashirin da biyu, kuma al’umma na zirga-zirga daga garin zuwa birnin Kano a koda yaushe.

Dala FM, tayi kokarin jin ta bakin sarkin kasuwar, amma hakan ya ci tura, Kasuwar dai tana ci ne a duk ranar Talata, wanda take samun ‘yan kasuwa masu shigowa daga kauyuka daban-daban a cikin jihar Kano

 

Continue Reading

Trending

error: Content is protected !!
en_USEnglish
en_USEnglish