Connect with us

Ƙasashen Ƙetare

Kisan kiyashi: Sojojin Rasha na ɓoye laifukan da suka aikata a Ukraine – Zelensky

Published

on

Shugaban kasar Ukraine, Volodymyr Zelensky ya sha alwashin gurfanar da wadanda ake zargi da aikata laifukan yaki a Ukraine a gaban kuliya.

Ukraine na aiki tare da Tarayyar Turai da kotun hukunta manyan laifuka ta duniya ICC, domin tabbatar da cewa, an gudanar da cikakken bincike kan laifukan yaki a yankin Bucha da sauran garuruwan Ukraine, in ji shugaban na Ukraine a wani sakon bidiyo.

“Wadanda ke da alhakin ya kamata a hukunta su a kan laifukan da suka aikata. Lokaci zai zo da kowane dan kasar Rasha zai san gaskiya game da wanene daga cikinsu ya kashe ‘yan kasarsa.”

Ukraine ta ce, ta gano gawarwakin fararen hula 410 daga garuruwan Bucha da Irpin da ke wajen birnin Kiev bayan janyewar sojojin Rasha.

Ukraine, tare da manyan kasashen duniya da dama, sun ce, sojojin Rasha sun yi kisan kiyashi.

Moscow ta ce ba ta da alaka da kashe-kashen kuma ta kira hotunan “karya”.

Shugaban na Ukraine ya ce a tafiyarsa zuwa Irpin da Bucha, “An lalata su ne kawai.”

“Ina jin tsoron cewa, sojojin Rasha a yanzu suna kokarin boye bayanan laifukan da suka aikata,” in ji Zelensky.

Ƙasashen Ƙetare

Sojoji Sun yi juyin Mulki a Gabon

Published

on

Sojoji sun bayyana a gidan talabijin na kasar Gabon tare da sanar da karbi mulki.

Sun ce sun soke sakamakon zaben da ka gudanar ranar Asabar, inda aka ayyana shugaba Ali Bongo a matsayin wanda ya lashe zaben.

Hukumar zaben ta ce Mr Bongo ya samu nasara ne da kasa da kashi biyu bisa uku na kuri’un da aka kada a zaben da ‘yan adawa suka ce an tafka magudi.

Sun Kuma ce Hambarar da shi zai kawo karshen mulkin shekaru 53 da iyalan gidansu ke yi a Gabon.

Sojoji 12 ne suka bayyana a gidan talabijin dake sanar da soke sakamakon zaben tare da rusa dukkan hukumomin kasar.

Daya daga cikin sojojin ya fada a tashar talabijin ta Gabon 24 cewa, “Mun yanke shawarar kare zaman lafiya ta hanyar kawo karshen mulkin da ake yi a yanzu.”

Mr Bongo ya hau karagar mulki lokacin da mahaifinsa Omar ya rasu a shekara ta 2009.

Continue Reading

Ƙasashen Ƙetare

Sojoji sunyi juyin Mulki a jamhuriyar Nijar

Published

on

Rahotanni daga jamhuriyar Nijar na cewa Sojojin Kasar sun yi juyin Mulki, tare da sanar da kawo karshen mulkin shugaba Muhammad Bazum.

Cikin sanarwar da suka bayar a gidan telebijin din Kasar, jagoran tawagar sojojin Kanal Amadu Abdramane yace “mun kawo karshen mulkin shugaba Muhammad Bazum tare da karbe dukkanin Wani Iko”.

Sojojin dai sun bayar da dalilin halin rashin tabbas da Kuma Matsin tattalin arziki a kasar.

Tuni dai sojojin suka garkame dukkanin iyakokin Kasar tare da Sanya dokar takaita zirga zirga daga karfe 10 na dare zuwa 6 na safe.

Tun a safiyar laraba ne dai aka wayi gari da fara wancan yunkuri, Wanda yanzu haka ta tabbata, Kasar Nijar na hannun sojoji, Wanda shi ne Karo na hudu ana gudanar da juyin mulkin a jamhuriyar Nijar.

Continue Reading

Ƙasashen Ƙetare

An tsaurara tsaro a fadar shugaban Kasar Nijar

Published

on

Rahotanni daga Jamhuriyar Nijar, na nuni da cewa dakarun da ke gadin fadar shugaban ƙasa sun rufe duk wata hanyar shiga fadar a wani lamari da ba a kai ga ganowa ba.

Sai dai rahotanni na cewa yanzu haka wasu daga cikin tsofaffin shugabannin ƙasar ta Nijar na tattaunawa da sojojin domin sasanta lamarin.

Karin bayani nan tafe….

Continue Reading

Trending