Lafiya
PCN ta lalata magunguna na Naira miliyan 100 bayan wa’adin su ya kare
Hukumar Kula da Magunguna ta Kasa (PCN), ta lalata magungunan da suka wuce na sama da Naira miliyan 100 a jihar Adamawa.
Hukumar ta bayyana hakan ne a ranar Litinin cewa, an tattara magungunan da wa’adin su ya kare daga shagunan sayar da magunguna daban-daban a fadin jihar.
Wakilin kakakin majalisar dokokin jihar, Iya Aminu Abbas ne ya jagoranci lalata magungunan da aka yi a wajen garin Yola mai suna Conerwire, daura da hanyar Yola-Numan.
Mataimakin shugaban majalisar, Pwamakino Mankendo, wanda ya tsaya a madadin Abbas, ya yabawa kungiyar masu harhada magunguna ta kasa reshen jihar Adamawa kan yadda suka hana sayar da magungunan da wa’adin su ya kare zuwa cikin kasuwa.
Shima da yake jawabi yayin atisayen lalata magungunan, kwamandan hukumar hana sha da fataucin miyagun kwayoyi ta kasa NDLEA a jihar Adamawa, Femi Agbolu, ya ce, abin farin ciki ne a gano magungunan tare da lalata su.
Tun da farko, Shugaban Hukumar PCN na jihar, Ibrahim Talba ya ce, an kama magungunan ne daga sassan jihar a wani bangare na kokarin kawar da magungunan da wa’adin su ya kare da na jabu.
Lafiya
Likitocin da ke aiki da gwamnatin Kano sun jingine yajin aikin gargaɗin da suka fara
Likitocin da suke aiki da gwamnatin jihar Kano (NAGGMDP), sun jingine yajin aikin gargaɗin da suka fara a ranar Talata 01 ga watan Oktoban 2024, biyo bayan wani zama da su ka yi da kwamitin da gwamnatin ta kafa.
Sakataren ƙungiyar Dakta Anas Idris Hassan Shanno ne ya bayyana hakan ga manema labarai, jim kaɗan bayan kammala zaman gaggawa da su ka yi da ƴaƴan ƙungiyar.
Dakta Anas ya kuma ce sun ɗauki matakin jingine yajin aikin ne zuwa ƙarshen watan nan na 10, Kamar yadda gwamnatin ta dauki alkawarin cewa za ta biya masu buƙatun su a lokacin.
Wakilinmu Abubakar Sabo ya ruwaito cewa ƙungiyar ta kuma buƙaci dukkanin likitocin da ke ƙarƙashin ta da su koma bakin aikin su.
Lafiya
An ƙaddamar da aikin gwaje-gwajen lafiya da bayar da magani kyauta a Kano
Ƙungiyar ma’aikatan lafiya da unguwar zoma ta ƙasa reshen asibitin Ƙashi na Dala a jihar Kano, ta ƙaddamar da aikin gwaje-gwajen lafiya da bayar da magani kyauta ga al’umma.
Shugaban ƙungiyar ma’aikatan lafiya na asibitin Ƙashi na Dala, Kwamared Abubakar Muhammad Isah, ne ya bayyana hakan a wani ɓangaren na tunawa da bikin ranar ma’aikatan jinya ta Duniya, wanda a nan Kano za’a shafe mako guda ana gudanar wa a jihar Kano.
Kwamared Abubakar Muhammad, ya kuma ce sun zaɓi gwaje-gwajen lafiya da bayar da magani kyauta, domin saukakawa al’umma.
A cewar sa, “Mutane ku rinƙa zuwa Asibiti ana gwada lafiyar ku ba sai baku da lafiya za ku je gwaji ba domin mai lafiya shine yake neman magani dan ya yi rigakafi, amma da zarar cuta ta ci karfin mutum to lamarin ya yi munin gaske, “in ji shi”.
Wakilinmu Yusuf Nadabo ya ruwaito cewar kungiyar za ta kwashe mako guda tana gudanar da taruka dan wayar da kan al’umma a kan batun lafiya.
Lafiya
Ku rinƙa ziyartar Asibiti ana muku gwaje-gwajen fitsari da Jini domin sanin halin da ƙodar ku take ciki – Likita
An shawarci al’umma da su rinƙa ziyartar Asibiti akai akai wajen duba lafiyar su, ta hanyar yin gwaje-gwajen fitsari da jini domin sanin halin da kodar su ke ciki.
Dakta Muhajid Sunusi Rabi’u ne ya bayyyana hakan yayin ganawarsa da Dala FM, lokacin da suke aikin gwaje-gwajen fitsari da jini, kyauta a ɗaya daga cikin makarantu masu zaman kan su a nan Kano.
Dakta Mujaheed ya kuma ce sun gudanar da aikin ne a wani ɓangare na bikin ranar ƙoda ta Duniya, wadda aka ware duk ranar Alhamis ta mako na biyu na kowanne watan Maris domin gudanar da bikin ranar.
-
Nishadi5 years ago
Ina neman mijin aure – Rayya
-
Labarai4 years ago
Hamisu Breaker ya kai kan sa wajen ‘yan sanda
-
Nishadi5 years ago
Mansura Isah ta yi kaca-kaca da Sadiya Haruna
-
Manyan Labarai5 years ago
KAROTA: An baiwa Baffa Babba wa’adin kwanaki bakwai
-
Labarai5 years ago
Auren dan Panshekara da ba Amurkiya ya samu cikas
-
Lafiya2 years ago
Rahoto: An gano wani gida da ake gini da takardun Kur’ani da Alluna
-
Manyan Labarai5 years ago
Sabuwar damfarar da ta fito a Kano
-
Nishadi5 years ago
An gano daliban da Adam Zango ya dauki nauyin karatun su