Wasanni
Rauni: Dan wasan Faransa ya fice daga gasar cin kofin duniya
Dan wasan baya na Faransa, Lucas Hernandez, ba zai buga sauran gasar cin kofin duniya ba, saboda raunin da ya ji a gwiwarsa a wasan da suka doke Australia.
Dan wasan baya na Bayern Munich mai shekaru 26 da haihuwa, ya ji ciwo ne gwiwarsa ta dama a wasan da kungiyar da ta kare da ci 4-1 a wasan farko.
Wasu manyan ‘yan wasan Faransa da suka hada da Karim Benzema na Real Madrid sun samu raunuka kafin a fara gasar.
“Na yi matukar nadama da Lucas,” in ji koci Didier Deschamps.
An tabbatar da girman raunin Hernandez ta hanyar duban MRI a safiyar Laraba.
Ya samu raunin a gwiwar sa ne a minti na 13 da fara wasa da Australia.
Wanda ya lashe kyautar Ballon d’Or, Benzema, mai shekaru 34, ba zai buga wasan kare kasarsa ba a gasar cin kofin duniya, sakamakon rauni a cinyarsa.
‘Yan wasan tsakiya Paul Pogba da N’Golo Kante suna fama da ciwo a kafarsu.
Dan wasan baya na Paris St-Germain Presnel Kimpembe ya janye daga wasan a ranar Litinin din da ta gabata bayan ya kasa murmurewa daga raunin da ya ji, inda aka maye gurbinsa da Axel Disasi na Monaco.
Bayan kwana biyu, dan wasan gaba na RB Leipzig, Christopher Nkunku, ba zai samu damar buga atisaye ba,, inda dan wasan Eintracht Frankfurt Randal Kolo Muani ya maye gurbinsa.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su