Wasanni
Muna da kwarin gwiwa Messi zai iya komawa kungiyar mu – Inter Miami
Lionel Messi yana gab da yarjejeniyar shiga MLS franchise Inter Miami a karshen kakar wasan Turai ta 2022-23, in ji wani rahoton The Times.
Fitaccen dan wasan na Argentina ya kare kwantiraginsa da Paris Saint-Germain a karshen kakar, kuma ana alakanta shi da komawa Barcelona, wacce ya bari a 2021, amma The Times ta ruwaito a maimakon haka Messi zai koma MLS.
An ce Inter Miami ta na da ‘kwarin gwiwa’ Messi zai sanya hannu bayan kammala gasar cin kofin duniya a Qatar, inda ya zura kwallo a raga a wasanni biyun da Argentina ta buga a matakin rukuni, ko da yake ba zai koma ba har zuwa karshen kakar wasa ta PSG.
Kungiyar wadda mallakin ta David Beckham, ya nuna cewa, Messi ya zama dan wasan da ya fi karbar albashi a tarihin MLS kuma suna tunanin karin fon cika zuwansa.
Luis Suarez da Cesc Fabregas, tsoffin abokan wasan Messi a Barcelona, an bayyana sunayensu musamman a matsayin zabin, tsohon dan wasan ya samu dan taka leda na Nacional na Uruguay a farkon wannan shekarar yayin da Fabregas ke mataki na biyu na Italiya tare da Como.
Yunkurin neman Messi zai faru ne a tsakiyar lokacin gasar MLS, wanda zai fara a watan Fabrairu, kuma zai ba da babbar dama ga kwallon kafa ta Arewacin Amurka gabanin gasar cin kofin duniya a 2026, wanda Amurka za ta karbi bakuncin Canada da Mexico.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su