Connect with us

Nishadi

Jarumi Akshay Kumar ya dagawa jarumi Salman Khan kafa

Published

on

Baban jarumin masana’antar fina finai ta Bollywood dai Akshay Kumar da jaruma Katrina Kaif za su fito a wani fim ne mai suna Sooryavanshi wanda babban Darakta Rohit Shetty ya bayar da umarni.

An kuma zabi ranar Sallah karama ta shekarar 2020 ne domin fitar fim din kasancewar lokacin hutu ne na ma’aikata da ake samun kudi mai yawa idan an sake fim a lokacin.

Sai dai jim kadan da fitar sanarwar da su Akshay kumar suka fitar sai aka ji shima jarumi Salman khan ya bayar da sanarwa cewa zai saki fim dinsa mai suna “Insha Allah” ranar ta Sallah. Fim din da zai fito da jaruma Alia Bhatt wanda kuma babban darakta Sanjay Leela Bhansali zai bayar da umarni

Wannan tasa ake ta samun kace nace ganin cewa dukkansu manyan jarumai ne hakan zai iya sawa ayi asarar dukiya mai yawa la’akari da cewa kowannesu yana kashe kudi mai yawa idan zai yi fim.

Sai dai magoya bayan Salman kan na ganin cewa Salman din shi yake fitar da fim din a duk lokacin bikin Sallah karama.

Ana tsaka da wannan kace nace ne Su Akshay kumar suka sanar da janye fitar fim din nasu Sooryanvanshi daga ranar sallah zuwa ranar 27 ga watan Maris na shekarar 2020 kamar yadda sanarwa ta fito ta shafin twitter na daraktan fim din Rohit Shetty.

Nishadi

Fadakarwa muke a fina-finan mu -Furodusa

Published

on

Shahararren mai shirya fina-finan Hausar nan Sani Ali Abubakar Indomie ya bayyana cewa wa’azi da fadakarwa sune ayyukan da suke yi a fina-finan Hausa da suke gabatarwa.

Yayin wata zantawa da jarumin yayi da Dala FM kan sabon shirin sa na “Karamin Sani” Indomie ya ce manufar yin fina-finan sa, shi ne don fadakarwa da wayar da kan al’ummar mu, a don haka ya ke maida hankali wajen ganin fina-finan sa sun dace da addinin islama.

Kazalika Indomie ya ce al’umma na nuna gamsuwarsu kan fina-finan da yake yi ba tare da waka ko kida ba, domin dai su dace dai-dai da addini.

Wasu al’umma dai na ganin cewa fina-finan Hausa na wannan zamanin ko kadan sun sha bam-bam da al’ada da addinin malam Bahaushe.

Sai dai wasu na ganin cewa wannan hobbasa da su Sani Ali Abubakar Indomie keyi zai bada gudummuwa matuka wajen kara farfadowa da martabar masana’antar shirya fina-finan Hausa.

Continue Reading

Nishadi

Tsun-tsun soyayyata ya koma kan Lukuman –Rayya

Published

on

Jarumar fina-finan hausar nan Surayya Aminu wadda akafi sani da Rayya ta bayyana cewa a yanzu tsun-tsun soyayyarta ya tashi daga kan Yakubu Kafi Gwamna, da Yawale ya koma kan dan gidan gwamna mai ci wato Lukuman.

Rayya ta bayyana hakan ne ya yin da take zantawa da Dala FM a safiyar litinin da ta gabata, ta ce a yanzu Kafi Gwamna yana gidan gyaran hali, don haka ya barar da soyayyarsa, shi kuwa Yawale dama son maso wani yake.

Biyo bayan cigaban wasan kwaikwayon nan mai nisan zango na “Kwana Casa’in” da tashar Arewa 24 ke hasakakawa ya nuna yadda sabuwar soyayya ta fara kulluwa tsakanin jaruma Rayya ‘yar aikin gidan tsohon gwamna Bawa Mai Kada da kuma dan gwamna mai ci Malam Adamu wato Lukuman.

Idan zaku iya tunawa dai a kwanakin baya ne jaruma Rayya ta karyata rade-radin da ake yadawa na cewa sun fara soyayya ta zahiri da abokin aikinta wato Yawale.

Labarai masu alaka:

Ina neman mijin aure – Rayya

Kanyywood: Anyi bikin jaruma Hafsat Shehu

Jarumi Madagwal na fama da rashin lafiya

Continue Reading

Nishadi

Ina neman mijin aure – Rayya

Published

on

Fitacciyar jarumar fina-finan hausar nan Surayya Aminu wadda aka fi sani da Rayya ta bayyana cewa a kasuwa take tana neman miji domin tayi aure.

Jaruma Rayya ta bayyana cewa a shirye take ga duk wanda yake so da kaunarta tsakani da Allah zai aure ta, kuma shi aure lokaci ne “ina sa ran nayi aure nan bada jimawa ba cikin ikon Allah” a cewar Rayya.

Idan zaku iya tunawa dai a kwanakin baya a wata tattaunawa da Dala FM tayi da abokin aikin Rayya jarumi Yawale ya bayyana cewa a shirye yake kuma zai iya auren Rayyan a zahiri.

Sai dai a wancan lokacin jaruma Rayya ta bayyana wa Dala FM cewa abu biyu ne zai hanata auren Yawale, na farko yana da aure ita kuma bata son kishiya, sannan Yawale bashi da kudi ita kuma mai kudi take so.

Amma daga bisani jaruma Rayya ta sanar da janye wannan kalaman a shafinta na Instagram.

Labarai masu alaka:

Mu muka haifi Kannywood –Inji Kamaye

Nayi mamakin baiwa Fati Washa Gwarzuwar Kannywood –Kamaye

Continue Reading

Trending

error: Content is protected !!
en_USEnglish
en_USEnglish