Connect with us

Wasanni

Mahaifiyar Kocin Manchester City ta mutu saboda Coronavirus

Published

on

Mahaifiyar mai horas da kungiyar kwallon kafa ta Manchester City, Pep Guardiola ta mutu sakamakon cutar Coronavirus da ta kama ta.

Mahaifiyar ta sa mai suna Dolors Sala Carrio, mai shekaru 82 ta mutu ne a birnin Barcelona bayan fama da cutar da ta yi.

Tuni dai kungiyar Manchester City da sauran kungiyoyi su ka mika sakon ta’aziyar su ga mai horas da Manchester City Pep Guardiola sakamakon rashin mahaifiyar sa da ya yi.

Guardiola mai shekaru 49, a kwanakin baya ya dai bada tallafin gudunmawar Yuro miliyan daya kwatankwacin Fam miliyan dubu dari tara da ashirin domin a yaki cutar Covid-19.

 

Wasanni

Covid-19: a baiwa Liverpool kofin Premier -Shugaban hukumar kwallon kafan turai

Published

on

Shugaban hukumar kwallon kafa na nahiyar turai, Aleksander Ceferuin, ya ce a baiwa kungiyar kwallon kafa ta Liverpool kofin Premier.

Ceferin na wannan kalaman ne biyo bayan kara dage gasar Premier da a ka yi ba tare da saka ranar dawo ba saboda annobar cutar Corona.

Ya ce” Ni banga wata hanya hanya ba da za a hana Liverpool wannan gasar”.

“mu na tattaunawa a kan wannan batun yanzu haka kawai su mu ke jira, saboda mu na son kawo karshen kamala duk wata gasa , saboda ba za mu kai har watan Satumba ba ko kuma Oktoba a na gasar nahiyar turai, saboda gasar cin kofin zakarun nahiyar turai da ta Europa dole mu dakatar da su har idan an bamu umarnin dakatarwa”. Inji Ceferin.

Wasanni biyu kawai Liverpool za ta ci ta lashe gasar Preimer a bana tun cikin shekaru 30 da ba ta lashe gasar ba.

Tuni dai kasar Belgium da Scotland su ka mikawa wanda yake a kan teburi kofi sakamakon tsayawa cak da a ka yi a harkokin kwallon kafa a duniya saboda CoronaVIRUS.

 

Continue Reading

Wasanni

COVID 19: SWAN ta dakatar da taron ta a Kano

Published

on

Kungiyar marubuta labarin wasanni ta kasa reshen jihar Kano, SWAN ta dakatar da taron ganawa da dake yi da masu ruwa da tsaki a cikin kungiyar sakamakon cutar Coronavirus.

Shugabann kungiyar, Musbahu Bala Chediya ‘Yan Gurasa, ne ya tabbatar da hakan cewa ba za su samu damar zaman kungiyar wanda za su gudanar a ranar 26 ga watam Maris sakamakon kaucewa cutar ta Covid-19.

Ya kuma bukaci dukannin mambobin kungiyar da su ci gaba da bada kulawa domin kare lafiyar su, sannan za kuma su sanar da lokacin da za a gudanar da taron a nan gaba bada jimawa ba.

Taron dai wanda kungiyar za ta yi da masu ruwa da tsaki da ‘ya’yan ta ciki hada maganar shaidar kati na kungiyar wato ID Card da maganar kalandar kungiyar da kuma wasannin kasa na shekarar 2020 da dai sauran su. Wanda dole ya sanya kungiyar SWAN ta dage taron na ta na wannan lokacin sakamakon cutar Coronavirus da ake ta kokarin magance faruwar ta a fadin jihar Kano baki daya.

 

Continue Reading

Wasanni

Ighalo: Daga aro zai zama dan wasan din din din

Published

on

Kungiyar kwallon kafa ta Manchester United ta tabbatar da cewa za ta sayi dan wasan gabanta Odion Ighalo na kwantiragin din din din daga kungiyar sa.

Manchester United wadda ta taya dan wasan a kan kudi fam miliyan 15 domin ganin an siyar mata da dan wasan gaban wanda yake a kungiyar a matsayin aro.

Mai horas da kungiyar ta Manchester United, Ole Gunnar Solskjaer, ya dai baiwa Odhion Ighalo, dama domin ganin ya amince da tayin da aka yi masa na ganin ko zai zauna a kungiyar ko kuwa.

Ighalo dai ya zo kungiyar ne a matsayin aro daga kungiyar sa ta Shanghai Greenland Shenhua dake kasar China.

 

 

 

Continue Reading

Trending

error: Content is protected !!
en_USEnglish
en_USEnglish