Labarai

Rogo: Kotu ta dakatar da Kansiloli

Published

5 years ago

16/07/2020

Wata babbar kotun jihar Kano da ke zaman ta a karamar hukumar Ungoggo ta yanke hukuncin dakatar da kansilolin karamar hukumar Rogo daga daukar duk wani mataki kan mataimakin shugaban karamar hukumar, Alhaji Nasiru Dalha Rogo har sai ta kammala shari’a kan batun dakatar da shi da kansilolin su ka yi.

A cewar kotun kowa ya ci gaba da kasancewa a matsayin da yake, zuwa karshen shari’ar da ta ke saurara kan batun dakatarwar tare da tsige mataimakin shugaban karamar hukumar ta Rogo, Nasiru Dalha Rogo.

Kotun karkashin jagorancin mai shari’a, Nasiru Saminu ta dakatar da mataki da kansilolin karamar hukumar ta Rogo har zuwa lokacin da za ta zartar da hukunci a kan batun.

Kotun ta kuma bai wa wadanda a ke kara, wa’adin makwanni biyu da su kare kansu daga zargin. Haka zalika kotun ta kuma daga ci gaba da sauraran karar zuwa ranar hudu ga watan gobe na Agusta.

Tun farko dai Alhaji Nasiru Dalha ne ya shigar da karar gaban kotun ya na kalubalantar dakatar da shi da kansilolin karamar hukumar su ka yi, har na tsawon watanni shida, sannan daga bisani su ka kuma nada wani ya maye gurbin sa.

Labarai

Zan gina makarantun Islamiyya da ta Boko don tunawa da Mafarautan da aka kashe a Uromi – Rurum

Published

2 days ago

18/04/2025

Hassan Mamuda Ya'u

Ɗan majalisar Wakilai mai wakiltar ƙananan hukumomin Rano, da Kibiya da Bunkure Kabiru Alhassan Rurum, ya yi alƙawarin gina makarantu guda biyu na Islamiyya da na Boko, a garin Torankawa da ke ƙaramar hukumar Bunkure, don tunawa da mafarautan da aka kashe a garin Uromi ta Jihar Edo a kwanakin baya.

Hakan na ƙunshe ne a cikin wata sanarwa da mataimakin ma musamman ga ɗan majalisar Fatihu Yusuf Bichi ya aikewa Dala FM Kano, Sanarwar ta ce hakan na zuwa ne yayin da Rurum, yake jajantawa al’ummar garuruwan da Iyalan mamatan 16 da aka kashe, a garin Uromi da ke ƙaramar hukumar Essan ta jihar Edo.

Rurum ya kuma buƙaci Mafarauta daga yankin Arewa da su dakatar da zuwa kudancin kasar da sunan Farauta, don su mutane ne dake yawo da kayan daji kuma akwai banbancin yare tsakani da hakan ke sanyawa ana yawan cin zarafin su da sunan matsalar tsaro.

Honarable Kabiru Alhassan Rurum, bayan addu’o’i na musamman da ya yi ga mamatan, ya kuma bai wa iyalai da ƴan uwan su haƙurin jure rashin, tare da bai wa iyalan waɗanda kisan gillar ya rutsa da su gudunmawar Naira Miliyan Biyar, domin a ɗan yi cefanen kayan abinci.

Labarai

Za mu fara ɗaukar mataki akan masu zance a cikin Mota – Hukumar Hisbah

Published

2 days ago

18/04/2025

Hassan Mamuda Ya'u

Hukumar Hisbah ta jihar Kano ta ce ta shirya tsaf wajen ganin ta kawo ƙarshen zancen da wasu Masoya suke yi a cikin Motoci, domin daƙile ɓarnar da ke yaɗuwa ta hakan a wasu lokutan.

Mataimakin babban kwamandan hukumar Hisbah a Kano, Dr. Mujahideen Aminudden, ya bayyana hakan ne yayin zantawar sa da Dala FM Kano, a ranar Juma’a 18 ga watan Afrilun 2025.

“Ɗaukar wannan matakin ya zama dole kasancewar lamarin na neman ya zamar wa al’ummar jihar Kano alaƙakai, “in ji shi”.

Dakta Mujahidden ya kuma yi kira ga iyaye da su sanya idanu kan tarbiyyar ƴaƴan su, tare da rage buri wanda hakan ka iya kawo ƙarshen taɓarɓarewar tarbiyyar ƴaƴan nasu.

Hangen Dala

Kofar APC a bude take ga masu shiga – Abdullahi Abbas

Published

2 days ago

18/04/2025

Ahmad Rabi'u Ja'en

Jamiyyar APC a Jihar Kano tace Kofar ta a bude take ga dukkanin masu son shigowa jamiyyar.

Shugaban jamiyyar na Kano Hon Abdullahi Abbas ne ya bayyana hakan yayin wani taron manema labarai.

Abbas yace labarin dake yawo cewa akwai wadanda ke Shirin shigowa jamiyyar, su sani Kofar APCn a bude take tare da maraba ga dukkanin wadanda zasu shigo.

Koda dai Abdullahi Abbas yace shigowa APC ba zai hana tuhuma kan zargin cin hanci da rashawa ba, koma kaucewa hukumar EFCC da ICPC.

A baya bayan nan ne dai aka rinka yada cewa mabiya jamiyyar NNPP kwankwasiyya na Shirin shiga jamiyyar APC tare da madugun ta Sanata Rabiu Musa Kwankwaso.