Wasanni
Real Madrid ta lashe gasar La ligar Spaniya
Real Madrid ta kawo karshen gasar La ligar Spain ta shekarar 2019/2020, bayan da ta samu a hannun Villarreal da ci 2-1.
Karim Benzema ne ya fara zura kwallo a minti na 29 da fara wasa bayan da Luka Modric ya zura masa kwallon, sai kuma ya kara ta biyu a minti na 77 a bugun daga kai sai mai tsaron raga, sakamakon keta da aka yiwa kyaftin din kungiyar Sergio Ramos. Villarreal ta ci kwallon ta hannun dan wasan ta Iborra a minti na 84.
Nasarar lashe kofin na La liga da kungiyar ta Real Madrid ta yi a daren Alhamis ya sanya ta dauki kofin sau 2 cikin shekaru takwas kenan. Bacerlona dake biye wa Madrid a matsayin ta na 2 a gasar ta La liga, a wasan da ta buga yau Laraba da Osasuna ta yi rashin nasara da ci 2-1.
Yanzu dai ya rage wasa daya a karkare gasar ta La liga inda aka buga wasanni 37 cikin wasanni 38 da za a yi.
Kungiyar Real Madrid ta daya a gasar ta hada maki 86, yayin da Barcelona take matsayi na biyu da maki 79. Yanzu dai Real Madrid za ta mayar da hankalin ta a gasar zakarun turai na Champions league wajen ganin ta doke Kungiyar Manchester City dake kasar Ingila a wasan da za su yi na zagaye na biyu a ranar 7 ko 8 ga watan Augusta mai kamawa.
A wasan farko dai Real Madrid ta yi rashin nasara a hannun Manchester City har gidan ta da ci 2-1.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su