Labarai
Iyayen yaran nan da aka sace sun zargi gwamnatin Kano da kin daukar mataki
Shekara guda kenan, da jami’an ‘yan sanda suka gano matsalar batan yaran da ake fama da su a jihar Kano da ke arewacin Najeriya, inda ake zuwa da su kudancin kasar.
Ana dai zargin cewa yaran da ake sacewa zuwa kudancin kasar, ana sauya musu suna da kuma addini.
Daga lokacin da aka gano batan yaran ne gwamnatin jihar ta kafa wani kwamiti na musamman da zai gudanar da binciken zargin batan yaran.
To sai dai kwatsam, iyayen yaran da aka sace sun bayyana takaicin su kan yadda gwamnati ta nuna halin ko in kula da halin da suke ciki.
Iyayen dai na zargin gwamnatin jihar da rashin daukar matakan da suka dace wajen binciko inda yaransu suke, duk da cewa akwai sama da guda dari da har yanzu ba a san inda suke ba.
“Gaskiya, mun fara yanke kauna da matakan gwamnatin, saboda ‘yayan talakawa ne ya sanya gwamnatin ta yi biris da batun ‘yayanmu.” In ji Zainab Giginyu
Wadannan magidanta da suka yi tattaki mazan su da matan su zuwa Dala FM, sun bayyana cewar akwai sauran yayansu sama da guda dari a yankin kudancin kasar da aka sace, amma da yawan wadanda aka zarga da satar ma an bayar da belisu suna cigaba da rayuwar su cikin farin ciki yayin da wata ma da aka bayar da belin ta ta arce.
“Muna cikin mawuyacin hali, muna rokon gwamnati ta taimaka ta binciko mana yaranmu idan har don mu take aiki, mu ‘yayanmu muke nema ba wani abu muke roko gwamnati ta yi mana ba.” In ji mahaifiyar wata yarinya
A baya dai kungiyar iyayen yaran da suka bata ta ce kwamitin da aka kafa be tuntube su ba, don haka basu da masaniya kan yadda kwamitin yake aikinsa.
Kungiyar ta ce kwamitin bincike da aka kafa tun farko be neme su ba ta yadda za su iya gabatar da bahasin yadda yaransu suka bata.
Malam Salihu Isma’il shine mai magana da yawun iyayen yaran, ya ce suna takaicin yadda gwamnati ta gaza daukar mataki, bayan tsawon shekara guda da batan yaransu.
“Yau tun da aka dawo da yaran nan shekara daya, wasu daga cikin yaran da aka dawo da su, sun ce sun ga ‘yayanmu, wasu ma ajinsu daya. tsawon shekara daya, kwamitin da aka nada har yanzu ko yaro guda daya be dawo mana da shi ba.”
Malam Salihu ya ce wasu daga cikin iyayen yara, yanzu haka suna fama da ciwon mutuwar barin jiki, wasun su kuma sun mutu saboda takaicin batan yaran nasu.
A baya-bayan nan ne kwamitin ya gabatar da rahoton bincikensa, duk da cewa kungiyar iyayen yaran ta ce babu wani tuntuba da suka same daga bangaren gwamnati kan wannan batu.
Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.
Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.
Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.
Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.
Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.
Labarai
Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala
Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.
Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.
“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.
Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.
Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.
Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.
Labarai
Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge
Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.
Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.
Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.
Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.
A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.
Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su