Connect with us

Ilimi

Ilimi: Mawadata ku tallafawa karatun matasa – Alhaji Ahmed Idris

Published

on

Gidauniyar Al’ihsan a jihar Kano, ta yi kira ga manyan ƙasar da masu hannu da shuni da su rinka tallafawa matasa tare da ɗaukar nauyin karatunsu a jami’o’i ma su zaman kansu.

Babban Akanta Janar na ƙasa, Alhaji Ahmed Idris ne ya bayyana hakan lokacin da ya ke baiwa matasa guda talatin takarda daukar nauyin karatunsu a wata jami’a mai zaman kanta wato Khadija Majiya da ke garin Majiya a jihar Jigawa.

Alhaji Ahmed Idris ya ce,”Samarwa da matasa da guraben karatu a makarantu ma su zaman kansu zai kawo ci gaba a cikin ƙasar nan domin samin saukin cunkoson da a ke samu a jami’o’in gwamnati”.

Haka zalika ya kuma ja hankalin ma su hali a ƙasar nan da su kalli halin da talakawa ke ciki ta yadda basa iya samun damar guraben karatu a jami’o’in ƙasar nan wani lokacin ma idan mutum ya samu kuɗin da zai biya, domin yin karatun yakan gagara dan haka ya kamata masu hannu da shunin su rinka ɗaukar nauyin ƴaƴan talakawa wajan karatu a ƙasar nan.
Alhaji Ahmed Idris ya kuma ce,”Ina fatan wannan ɗliban guda talatin da a ka baiwa gurbin karatun za su gudanar da karatun su yadda ya dace da kuma yin anfani da abin da su ka koya”.

Taron tallafawa matasan da guraben karatun ya sami halattar manyan malamai da dama daga nan Kano da ma wajanta har da shugaban makarantar mai zaman kanta inda matasan za su gudanar da karatun su.

Wakiliyar mu Aisha shehu Kabara ta rawaito cewa, Alhaji Ahmad Idris, ya kuma ce zai biyawa kowanne su sama da miliyan daya har su kammala karatun su tare da baiwa kowane dubu dari duk shekara, domin kula da hidimar karatun.

Ilimi

ASUU ta ƙara tsunduma yajin aikin sai baba ta gani

Published

on

Kungiyar malaman jami’o’i ta ƙasa ASUU, ta kara tsawaita yajin aikin da take yi da makonni 12.

ASUU ta dauki matakin ne a wani taron gaggawa na majalisar zartarwarta ta ƙasa da ta yi a sakatariyar ta a Abuja.

Taron gaggawar, wanda ya samu halartar manyan shugabannin reshen ta, an fara shi ne a ranar Lahadi kuma ya ƙare da sanyin safiyar Litinin.

Yajin aikin na watanni biyu da kungiyar ASUU ta ayyana ranar 14 ga Maris, 2022, ya kawo karshe a yau 9 ga watan Mayu, don haka hukumar ta NEC ta ga bukatar kara wa’adin makonni 12 bayan fara yajin aikin sai baba-ta-gani, saboda gaza magance matsalolin da ake takaddama a kai.

Ma’anar tsawaita yajin aikin shi ne, jami’o’in gwamnati za su kasance a rufe.

Continue Reading

Ilimi

Ciyar da dalibai: Gwamnati ta bayar da horo ga masu dafa abinci

Published

on

A ranar Talata ne ma’aikatar jin kai da kula da bala’o’i da ci gaban jama’a ta tarayya, ta horas da masu sayar da abinci 50 a kan tsafta a karkashin shirinta na ciyar da Makarantun.

Shugabar tawagar masu bayar da horo a jihar Naija, Fatima Bissalla, ta ce sun gudanar da wannan horon ne domin baiwa masu sayar da abinci da ilimin da ake bukata kan yadda za su iya kula da tsaftar jikinsu da abinci da kuma yanayin girki, domin amfanin daliban.

“Na yi imanin cewa tsaftar da masu dafa abinci ke yi zai dakile barkewar cututtuka a tsakanin wadanda suka ci gajiyar shirin,” in ji ta.

Ta kara da cewa an bada horon ne, domin tabbatar da cewa, duk dan kwangila, sun rungumi tsaftar muhalli bisa, ka’idar da ma’aikatar ta gindaya musu na su bi tsarin.

Bisallah ta ce, wadanda suka samu horon za su koma kananan hukumominsu, sannan su sauke horon ga sauran masu dafa abinci, ta kara da cewa, jami’an teburi da masu kula da abinci mai gina jiki za su rinka lura da su a yankunan kansilolin.

Har ila yau, Umar Shaba, Manajan Shirye-Shirye na shirin ciyar da Makarantun da ake nomawa a Naija, ya ce, horon ya kara nuna masu yadda dafa abinci irin na tsafta.

Continue Reading

Ilimi

Ganduje ya mika sakon ta’aziyar sa ga iyalan Malaman da suka mutu a hanyar Sumaila

Published

on

Gwamnan jihar Kano, Abdullahi Umar Ganduje, a ranar Lahadin ya jajantawa iyalan malaman addinin Islama guda shida da suka rasa rayukansu a wani hatsarin mota da ya rutsa da su yayin da suke dawowa daga karamar hukumar Sumaila kwanan nan.

“Mutuwar wadannan mutanen ba babban rashi ne ga iyalansu kadai ba, har ma ga jihar baki daya. Abin takaici ne,” inji shi.

“Mun samu labarin cewa Malaman da Sheikh Alkassim Zakariyya ya jagoranta sun fara ziyarar aiki karkashin inuwar Imam Malik Islamic Foundation.

A wata sanarwa da babban sakataren yada labaran Abba Anwar ya rabawa manema labarai, ya ruwaito Gwamna Ganduje yana cewa: “Jahar mu ta yi asarar mutane masu tsoron Allah, daga cikinsu akwai Sheikh Alkassim, Malam Isiya Tela, Mustapha Musa Sa’ad, Malam Ishaq, Rummawa da Malam Zakariyya Alkassim Dataka. Allah Ya gafarta musu,” inji shi.

Continue Reading

Trending