Connect with us

Siyasa

Rikicin PDP: Shugaban kwamitin amintattu ya ajiye aikin sa

Published

on

Shugaban kwamitin amintattu na jam’iyyar PDP, Sanata Walid Jibrin ya ajiye mukaminsa.

Yayin da ya ke tabbatar wa BBC, wannan matakin nasa, sanata Walid ya ce, ya ajiye mukamin nasa ne domin samun zaman lafiya da maslaha kan halin da jam’iyyar ke ciki.

Jam’iyyar PDP dai na fama da rikicin cikin gida tun bayan zaben fitar da gwani na dan takarar shugaban kasa.

A baya-bayan nan an yi ta samun musayar kalamai tsakanin shugaban jam’iyyar na kasa da kuma gwamnan jihar Ribas Nyensom Wike.

Inda Wiken ya zargi jam’iyyar da nuna bangaranci a zaben mukaman jam’iyyar.

Dama dai a farkon shekara mai kamawa ne ake sa ran zaben sabon shugaban kwamitin amintattu, inda wa’adin Sen Walid Jibrin zai kare.

Manyan Labarai

Za mu horas da ma’aiakatan wucen gadi sama da miliyan 1 – INEC

Published

on

Hukumar zabe mai zaman kanta ta kasa, ta ce, za ta horas da ma’aikatan wucin gadi har su 1, 400,000.

Babban Daraktan Cibiyar hulda da Manema Labarai na Hukumar, Dr. Sa’ad Umar Idris ne ya bayyana hakan game da muhimman batutuwan da suka shafi Kundin Zaben 2022 da Shirye-shirye da Tsare-tsaren hukumar don tunkarar babban zaben 2023.

A cewar Babban Daraktan za a gudanar da tarukan horas da jami’an zaben ne da cikakken kudurin tabbatar da yin zabe mai ‘yanci kuma cikin gaskiya da adalci a 2023.

Sa’ad Idris ya  kuma ce, cibiyarsu ta dukufa wajen sauke nauyinta na tabbatar da ganin dukkan ma’aikatan wucin gadin sun samu ingantaccen horo kuma mai aminci.

“Za mu horas da Jami’an Duba-aikin Manyan Turawan Zabe kimanin 17,685 da Manyan Turawan Zabe wato Presiding Officers da Mataimakan Manyan Turawan Zabe (Assistants Presiding Officers) 707,384; sai Jami’an Tattara Sakamako (Collation Officers) 11,083; da Kwararrun Jami’ai (Registration Area Technical Officers) kimanin 12,991 da Jami’an Tsaro kimanin 20,000 da Manajojin kula da Cibiyoyin Zabe (Registration Area Centres Managers) 6,009 .”

Continue Reading

Siyasa

INEC ta gargadi ‘yan siyasa gabanin gangamin yakin zabe

Published

on

A yayin da ake kokarin fara yakin neman zaben 2023 a wannan Larabar, Shugaban Hukumar Zabe Mai Zaman Kanta ta Kasa (INEC), Farfesa Mahmood Yakubu, ya karanta wa jam’iyyun siyasa akan gangamin zaben su.

A cewar Yakubu, dole ne su yi nazari sosai tare da mai da hankali kan tanade-tanaden Kundin Tsarin Mulki, Dokar Zabe, Dokar ‘Yan Sanda da Dokar Zaman Lafiyar Jama’a na yadda ya kamata a gudanar da yakin neman zabe da gangamin siyasa cikin lumana.

Farfesa Yakubu ya kuma tunatar da ‘yan jam’iyyar cewa, kada kamfen dinsu da takensu su gurbata da kalaman batanci kai tsaye ko kuma a fakaice, wadanda za su iya cutar da addini, kabilanci ko bangaranci.

Ya yi wannan gargadi ne a ranar Litinin, a wajen bude taron karawa juna sani na tsawon kwanaki biyu kan tsarin tafiyar da hukumar, da shirye-shiryen babban zabe na 2023 da kuma muhimman batutuwa a cikin dokar zabe ta 2022 na hukumar ‘yan jarida ta INEC, wanda aka gudanar a Legas.

Ya nanata cewa kafafen yada labarai na da muhimmiyar rawar da za su taka wajen samun nasarar zaben baki daya, ya kuma ba da tabbacin cewa INEC za ta yi amfani da na’urorin zamani don baiwa ‘yan Nijeriya cikakkiyar gogewa ta hanyar yin adalci a zaben.

Continue Reading

Siyasa

Rikicin Jam’iyya: Idan PDP ta isa ta kore ni daga jam’iyyar – Wike

Published

on

Gwamnan jihar Rivers, Nyesom Wike, ya kalubalanci kwamitin zartarwa na jam’iyyar PDP na kasa cewa da ta dakatar da shi daga jam’iyyar.

Hakan ya biyo bayan tattaunawar da aka yi a cikin jam’iyyar na cewa babu wanda zai kai jam’iyyar, kuma za a iya dakatar da shi.

Gwamnan ya ci gaba da tofa albarkacin bakinsa kan wasu jiga-jigan jam’iyyar, tun bayan kiran da ya yi a kan shugaban jam’iyyar na kasa, Iyorchia Ayu da ya yi murabus.

A kwanakin baya ne Wike, ya jagoranci wasu jiga-jigan jam’iyyar suka fice daga majalisar yakin neman zaben shugaban kasa na jam’iyyar PDP, inda ya dage cewa sai Ayu ya tafi.

Da yake magana a wata tattaunawa ta kai tsaye a kafafen yada labarai a Fatakwal ranar Juma’a, Gwamna Wike ya ce, “Ina rokonsu a yau, kada su bata lokaci. Su kira taron kwamiti su ce Gwamnan Jihar Rivers, an dakatar da kai daga jam’iyyar.

“Duk abin da kuka ga kuna ɗauka. Sun san abin da zan yi. In ji Wike

 

Continue Reading

Trending