Kasuwanci
Farashin kayayyaki ya yi kamari cikin shekaru 17 a Najeriya
Yawan hauhawar farashin kayayyaki a Najeriya ya yi kamari a cikin shekaru 17 a cikin watan Agusta, lamarin da ya kara matsa lamba ga babban bankin kasa na kara kudin ruwa.
Haɓakar hauhawar farashin kayayyaki a kowace shekara ya kai kashi 20.5% a cikin mafi girman tattalin arzikin Afirka, idan aka kwatanta da 19.6% a watan Yuli, bisa ga bayanan da Hukumar Kididdiga ta Kasa ta fitar a shafinta na yanar gizo ranar Alhamis. Wannan shine matakin mafi girma tun watan Satumba na 2005 kuma ya ninka sama da kashi 9% na rufin da babban bankin kasar ke hari. Ya yi daidai da matsakaicin kiyasin masana tattalin arziki shida a wani binciken Bloomberg.
Haɓakar hauhawar farashin kayayyaki da ƙarancin dala na iya sa kwamitin kula da harkokin kuɗi na Babban Bankin Najeriya ya ɗage babban kuɗin ruwa a taro na uku a jere a ranar 27 ga watan Satumba. Gwamna Godwin Emefiele ya bayyana a taron bankin na Yuli cewa masu tsara manufofin za su ƙara tsanantawa idan hauhawar farashin kaya ya tashi. ya ci gaba da yin sauri a cikin wani mummunan yanayi.
“Farashin hauhawar kayayyaki ya kasance abin damuwa sosai, kuma ya zuwa yanzu, hauhawar farashin bai ragu ba sai dai ci gaba ba,” in ji Joachim MacEbong, babban manazarci a Legas bangareb kasuwanci.
Manyan abubuwan da suka haddasa hauhawar farashin kayayyaki sun hada da farashin biredi, hatsi, iskar gas da kayayyakin man fetur. Haɓaka farashin abinci na shekara-shekara ya haura zuwa 23.1% daga kashi 22% a watan Yuli da hauhawar farashin kayayyaki, wanda ke kawar da farashin abinci, ya ƙaru zuwa 17.2% a cikin watan Agusta, idan aka kwatanta da 16.3% a watan da ya gabata. Farashin ya tashi da kashi 1.77% daga wata daya da ya gabata.
Ambaliyar ruwa da ta afkawa yankunan da ake noman abinci a Najeriya da kuma ci gaba da raunin kudi na iya haifar da tashin hankali kan farashin a watanni masu zuwa. Naira ta dan canja kadan idan aka kwatanta da dala a 435.64 da karfe 1:19 na rana agogon kasar.
Gwamnatin jihar Kano ta buƙaci masu hada-hadar Kasa da Gidaje, da su ƙara himma wajen kula da mutanen da suke bai wa hayar Gidaje ko kuma sayar musu, domin gujewa bada hayar ko kuma sayar wa masu laifi, wanda hakan ka iya taimaka wajen magance matsalar tsaro a ɓangaren.
Kwamishinan ma’aikatar kasuwanci da zuba hannun jari na jihar Kano Alhaji Adamu Aliyu Kibiya, ne ya bayyana hakan yayin ziyarar da tawagar ƙungiyar masu hada-hadar Ƙasa da sayar da Gidaje da kuma bayar da hayar su ta jihar Kano KAFADA, suka kai masa ranar Alhamis a ofishin sa.
Kibiya, ya kuma ce kula da waɗanda za su rinka bai wa hayar gidajen da kuma siyar musu zai taimaka wajen magance matsalar tsaro a sassan jihar Kano da ma ƙasa baki ɗaya.
Da yake nasa jawabin shugaban kungiyar ta KAFADA, Alhaji Isah Jibril Isah, mai lakabin Kaci-Kasa, ya ce sun kai wa kwamishinan ziyarar ne, domin gabatar masa da kungiyar, da kuma tabbatar masa da hadin kan da za su bashi domin kara bunkasa harkokin kasuwanci a faɗin jihar Kano.
“A shirye kungiyar mu take wajen tabbatar da mambobin mu suna kula da irin mutanen da za su bai wa hayar gida ko kuma sayar musu, domin bada gudunmawar mu ga gwamnati wajen magance matsalar tsaro a jihar Kano, da ma ƙasa baki ɗaya, “in ji shi”.
Alhaji Isah Jibril Isah, ya kuma kara da cewa za su ci gaba da kokari wajen
tsaftace harkokin hada-hadar kasa da sayar da gidaje da bada hayar su, tare da ƙoƙarin ɗaukar mataki akan gurɓatattun mutanen da suke kiran kan su a matsayin dillalai suna
damfarar mutane.
Wani mai sayar da kayan miya a jihar Kano ya ce yanzu haka kayan miya ya yi tashin gwauron Zabi, lamarin da ke haifar da koma baya a sana’ar tasu.
A zantawar mai kayan miyar da Dala FM Kano, ya ce ko a yau sun sayi buhun tattasai a kan Naira dubu 44, yayin da kwandon Tumatur kuma ya kai Naira dubu 70, inda suka sayi Attaruhu duk buhu kore dubu sittin, sai kuma jan Attaruhu buhu Naira dubu 80.
Malam Musa mai kayan miya ya ƙara da cewar tsadar kayan miyan yana da alaƙa ne da ƙarin kuɗin sufuri da aka samu, da kuma janye tallafin man fetur tunda masu noman rani suna amfani da inji wanda shi kuma fetur ake zuba masa.
Shima wani magidanci da ya je sayan kayan miya ya shaidawa Dala FM Kano, cewa, ya sayi Tattasai kowanne ɗaya akan Naira Ɗari, yayin da ya sayi Tumatur a kan kudi Naira saba’in-saba’in, sai kuma Attaruhu kore Naira goma duk guda ɗaya, yayin da ya sayi jan Attaruhu a kan guda biyu Hamsin.
Wakilinmu Yusuf Nadabo Isma’il ya ruwaito cewar, mutane da dama ne suka rinƙa zuwa sayan kayan miya a wajen mai kayan miyar da ya je wajen sa, sai dai kuma da zarar an basu sai su tafi suna guna-guni da cewar ya yi musu tsada.
Kasuwanci
Da sana’ar siyar da Awara a bakin Titi na sayi Fili, na gina Gida, kuma nake shirin yin Aure a Kano – Mai lalurar Kafa
Wani matashi mai lalurar Kafa da ya rungumi sana’ar siyar da Awara a gefen titin Madobi mai suna Yusif Ibrahim mazaunin Damfami dake karamar hukumar Kumbotso ya shawarci Matasa da su tashi tsaye wajen riko da kananan sana’o’i domin su dogara da kansu.
Matashin mai lalurar kafar ya bayyana hakan ne yayin zantawarsa da wakikinmu na ‘yan Zazu Hassan Mamuda Ya’u, yana mai cewa riko da sana’ar na taimakawa mutum ya dogara da kansa, tare da magance wasu matsaloli da suke damunsu na yau da kullum.
“Sana’ar siyar da Awarar da nake yi da ita na sayi Fili, na gina Gida, yanzu haka kuma ina shirin yin Aure; Ina ganin budi dan haka akwai bukatar sauran matasa su nemi abin yi ko da sana’ar siyar da Awara ne, “in ji shi”.
Matashin ya kara da cewa akwai kalubale a sana’ar amma dai nasarorin sun fi yawa.
-
Nishadi5 years agoIna neman mijin aure – Rayya
-
Labarai5 years agoHamisu Breaker ya kai kan sa wajen ‘yan sanda
-
Nishadi6 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya3 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi6 years agoAn gano daliban da Adam Zango ya dauki nauyin karatun su