Ƙasashen Ƙetare
Gwamnati ki haramta tura mutane yin aikatau kasar Saudiyya – Kungiyar Kwadagon Kenya
Ƙungiyar ƙwadago ta Kenya (Cotu), ta nemi gwamnatin ƙasar da ta haramta wa hukumomin da ke tura mutane yin aikatau zuwa kasar Saudiyya.
Hakan na zuwa ne bayan yaduwar wani bidiyo kamar wutar daji da ke nuna wata mata ta na shayar da karnunka nononta a Saudiyya.
BBC ba ta iya tabbatar da sahihancin bidiyon ba.
Amma a hirarsa da manema labarai a ranar Lahadi, sakatare janar na ƙungiyar ƙwadagwon Francis Atwoli, ya ce matar, wacce ta bar jaririnta dan wata biyu a Kenya, iyayen ɗakinta ne suka tilasta mata shayar da ƴaƴan karnukan.
“Ina so na roƙi gwamnati ta yi irin abin da tsohuwar gwamnatin Shugaba Mwai Kibaki ta taɓa yi.
“Ya haramta dukkan hukumomin nema wa mutane aikatau a Kenya,” in ji Mr Atwoli.
Shugaban ƙwadagwon ya nemi Shugaba William Ruto da ya dakatar da “bautar da ƴan ciranin Kenya” da kuma nemar musu mafita ga walwalarsu a ƙasashen yankin Gulf.
Ƙaruwar rashin ayyukan yi a Kenya ya sa matasa suna yawan yin ƙaura zuwa ƙasashen yankin Gulf don neman aikatau da leburanci.
Ana yawan bayar da rahoton cewa ana cin zarafin ƴan cirani a yankin Gabas ta Tsakiya da kuma Myanmar da Laos da Cambodia.
Sojoji sun bayyana a gidan talabijin na kasar Gabon tare da sanar da karbi mulki.
Sun ce sun soke sakamakon zaben da ka gudanar ranar Asabar, inda aka ayyana shugaba Ali Bongo a matsayin wanda ya lashe zaben.
Hukumar zaben ta ce Mr Bongo ya samu nasara ne da kasa da kashi biyu bisa uku na kuri’un da aka kada a zaben da ‘yan adawa suka ce an tafka magudi.
Sun Kuma ce Hambarar da shi zai kawo karshen mulkin shekaru 53 da iyalan gidansu ke yi a Gabon.
Sojoji 12 ne suka bayyana a gidan talabijin dake sanar da soke sakamakon zaben tare da rusa dukkan hukumomin kasar.
Daya daga cikin sojojin ya fada a tashar talabijin ta Gabon 24 cewa, “Mun yanke shawarar kare zaman lafiya ta hanyar kawo karshen mulkin da ake yi a yanzu.”
Mr Bongo ya hau karagar mulki lokacin da mahaifinsa Omar ya rasu a shekara ta 2009.
Rahotanni daga jamhuriyar Nijar na cewa Sojojin Kasar sun yi juyin Mulki, tare da sanar da kawo karshen mulkin shugaba Muhammad Bazum.
Cikin sanarwar da suka bayar a gidan telebijin din Kasar, jagoran tawagar sojojin Kanal Amadu Abdramane yace “mun kawo karshen mulkin shugaba Muhammad Bazum tare da karbe dukkanin Wani Iko”.
Sojojin dai sun bayar da dalilin halin rashin tabbas da Kuma Matsin tattalin arziki a kasar.
Tuni dai sojojin suka garkame dukkanin iyakokin Kasar tare da Sanya dokar takaita zirga zirga daga karfe 10 na dare zuwa 6 na safe.
Tun a safiyar laraba ne dai aka wayi gari da fara wancan yunkuri, Wanda yanzu haka ta tabbata, Kasar Nijar na hannun sojoji, Wanda shi ne Karo na hudu ana gudanar da juyin mulkin a jamhuriyar Nijar.
Rahotanni daga Jamhuriyar Nijar, na nuni da cewa dakarun da ke gadin fadar shugaban ƙasa sun rufe duk wata hanyar shiga fadar a wani lamari da ba a kai ga ganowa ba.
Sai dai rahotanni na cewa yanzu haka wasu daga cikin tsofaffin shugabannin ƙasar ta Nijar na tattaunawa da sojojin domin sasanta lamarin.
Karin bayani nan tafe….
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su