Labarai
Atiku ya buƙaci Birtaniya ta kawo ɗauki a kan tsaro da tattalin arziki
Dan takarar shugaban kasa na jam’iyyar PDP, Atiku Abubakar, ya yi tsokaci kan kara hadin gwiwa tsakanin gwamnatin Birtaniya da Najeriya, wajen lalubo hanyoyin da za a magance matsalolin daza su amfani kasashen biyu.
Sanarwar da mai taimaka masa a kan kafafen yaɗa labarai, Abdulrasheed Shehu ya rabawa manema labarai, ya rawaito cewa, Atiku, ya bayar da shawarar ne a lokacin da tawagar babbar hukumar Burtaniya karkashin jagorancin High Catriona Laing ta gana da Atiku a gidansa da ke Abuja a jiya.
A yayin ganawar Atiku da bakinsa sun tattauna batutuwa da dama da suka shafi tsaro, ilimi, noma, tattalin arziki da kuma samar da hadin kan kasa a Najeriya.
Babban Kwamishinan ya bayyana cewa, ganawar da tsohon mataimakin shugaban kasar wani bangare ne na ci gaba da gudanar da ayyukan gwamnatin Burtaniya, domin inganta dimokuradiyya da sahihin zabe a Najeriya.
Da yake mayar da martani, Atiku ya nuna jin dadinsa ga tawagar da suka ba da lokacin gudanar da taron, ya kuma bayyana cewa, “dangantakar da ke tsakanin Najeriya da Birtaniya na da tarihi mai dimbin yawa, kuma yana da muhimmanci kasashen biyu su yi amfani da wannan damar wajen inganta al’amuran da suka shafi kasashen biyu tare da damuwa da juna.”
Wazirin Adamawa ya jaddada cewa, yana sa ran kasar Ingila za ta taka rawar gani wajen tabbatar da dorewar dimokuradiyya a Najeriya, kuma yana da yakinin cewa, zaben shugaban kasa a 2023 zai kasance cikin gaskiya da adalci.
A kan batun rashin tsaro, ya yi tir da halin da ake ciki a kasar, ya kuma nemi taimakon Birtaniya musamman a fannin horarwa da musayar bayanan sirri.
Da yake magana game da tattalin arziki, tsohon mataimakin shugaban kasar ya ce, idan aka ba shi dama ya jagoranci al’amuran Najeriya, zai tare da sauran abubuwa, zai kawar da tsarin musayar kudade da yawa tare da rage haraji don karfafa masana’antu na gaske da kuma bunkasa jari na gaske. Ya kuma yi alkawarin bunkasa harkar noma, domin samar da ayyukan yi ga al’ummar kasar nan.
Bugu da kari, dan takarar shugaban kasa na jam’iyyar PDP ya bayyana damuwarsa kan yajin aikin da kungiyar malaman jami’o’i ke yi da kuma rikicin da ke faruwa a fannin ilimi.
Ya yi alkawarin aiwatar da gyare-gyare a fannin ilimi, gami da sake farfado da shirin ba da lamuni na kudi ga daliban Najeriya.
Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.
Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.
Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.
Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.
Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.
Labarai
Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala
Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.
Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.
“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.
Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.
Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.
Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.
Labarai
Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge
Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.
Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.
Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.
Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.
A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.
Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su