Connect with us

Siyasa

PDP ta tsayar da ayyukan ta mako guda saboda mutuwar dan mawaki Davido

Published

on

Jam’iyyar PDP reshen jihar Osun, ta dakatar da ayyukanta na tsawon mako guda, bayan David Adeleke, dan gidan zababben gwamnan jihar, Ademola Adeleke, ya rasa dansa mai suna Ifeanyi.

Shugaban riko na jam’iyyar PDP na jihar Osun, Adekunle Akindele, a cikin sakon ta’aziyya ga iyalan Adeleke a ranar Talata, ya bayyana rasuwar Ifeanyi, dan Davido da Chioma a matsayin wani lamari mai matukar bakin ciki.

Ya kuma umurci dukkan sassan jam’iyyar da kwamitoci da su dakatar da ayyukan domin nuna ta’aziyya ga iyalin Davido.

“Ta’aziyyarmu tana zuwa ga Davido, jakadan matasanmu. Muna mika ta’aziyya ga mahaifinmu, Dr. Deji Adeleke da dukan dangin Adeleke. Muna addu’ar Ubangiji Allah ya ba ‘yan uwa ikon jure wannan rashi maras misaltuwa,” A sanarwar.

Labari ya fito da sanyin safiyar Talata, 1 ga Nuwamba, 2022, na mutuwar Ifeanyi mai shekaru uku.

An tattaro cewa ya nutse ne a wani wurin ninkaya da ke gidan mahaifinsa na tsibirin Banana a Legas, wanda a yanzu haka ‘yan sanda sun tattara dukannin ma’aikatan gidan na sa, domin amsa tambayoyi.

Manyan Labarai

Kano ta tsakiya= Abinda yasa har yanzu INEC ba ta sauya sunan Shekarau da Rufa’i Hanga ba – NNPP

Published

on

Jam`iyyar NNPP, ta nuna damuwa game da kin amincewar da hukumar zabe ta yi da wasu sunayen da ta gabatar mata domin maye gurbin wasu daga cikin `yan takararta da suka janye.

Jam`iyyar ta ce ta kai maganar gaban alkali, kuma sau biyu kotu tana ba ta gaskiya, amma hukumar zaben ta ci gaba da yin turjiya.

NNPP, ta ce ta bi dukkan ka’idojin da doka da INEC ta shimfida wajen mika sunayen ‘yan takararta na mukamai daban-daban ciki har da kujerar sanatan Kano ta tsakiya, wadda tsohon gwamnan jihar sanata Ibrahim Shekarau, ya janye bayan ficewarsa daga jam’iyyar.

To amma, jam’iyyar ta fara zargin hukumar zabe nayi mata wasa da hankali har ma ta fara zargin ko akwai wata rufa-rufa da hukumar zaben keyi mata.

Injiniya Buba Galadima, jigo ne a jam’iyyar ta NNPP, ya shaida wa BBC cewa, su babban abin da ya dame su shi ne ko akwai wata jikakkiya tsakaninsu da hukumar zabe wadda ba su sani ba.

Ya ce, “ Duk dan Najeriya ya sani cewa Malam Ibrahim Shekarau, ya bar jam’iyyar NNPP, mun rubuta wa INEC cewa tun da Shekarau ya bar mu a bamu ranar da zamu sake zaben fitar da wani dan takarar da zai maye gurbin Shekarau.”

To amma sai INEC, ta rubuto cewa bata yarda ba, mu kuma muka fitar da dan takara muka aika musu amma suka ce ba su yarda ba,” inji shi.

Buba Galadima, ya ce daga nan suka garzaya zuwa kotu, kotu kuwa ta ce suna da gaskiya.

Ya ce, “Daga nan ne sai INEC, ta ce bata yarda ba ta daukaka kara, kotu ta gaba kuwa ta ce dole a kyale jam’iyyar da ya bari ta fitar da wani dan takara, sai suka ce sai sun sake daukaka kara zuwa kotun koli.”

Buba Galadima, ya ce ‘’ Wai shin mene ne ma bukatar INEC?”.

Bayan kujerar dan takarar sanata ta Kano ta tsakiya, akwai wasu kujerun kamar ta dan takarar sanata a jam’iyyar a Taraba ta Kudu Murtala Garba, wadanda a har yanzu hukumar zabe bata karbesu ba.

To sai dai kuma hukumar zaben ta ce bata da wata manufa game da jinkirin da ta ke yi wajen karbar sunayen masu takarar, face bukatar abi doka.

Wani babban lauyan a hukumar zaben, Tanimu Muhammad, ya shaida wa BBC cewa, ita hukumar zabe babu abin da take bukata illa kawai abi doka.

Ya ce,’’ Jam’iyyar NNPP ce ta fara gurfanar da mu gaban kotu, kuma ita kara a kan batun zabe karace da zata iya zuwa har kotun koli, shi ya sa muka tafi can don muna son sanin abin da ya kawo rikici tsakaninmu da ‘ya’yan jam’iyyar.”

Babban lauyan ya ce abin da suke nema su yi ya sabawa jadawalin da muka bayar.

Baya ga jam’iyyar NNPP, akwai wasu jam’iyyun da dama wadanda ke da irin wadannan korafi ko bukatar sauya sunayen da suke so su maye gurbin wasu ‘yan takara da suka janye, da suma suka zuba ido don ganin yadda zata kaya tsakanin hukumar zaben ta kasa da kuma jam’iyyar NNPP.

Continue Reading

Manyan Labarai

Shugabancin Shehu Sagagi haramtacce ne – Kotu

Published

on

Tambarin PDP

Babbar kotun tarayya Mai zaman anan Kano ta gargadi Hon shehu Wada Sagagi da ya daina Kiran sa a matsayin shugaban jam’iyyar PDP.

Cikin wani hukunci da kotun tayi a ranar 9 ga wannan wata kotun tace ya Zama wajibi Shehu Wada Sagagi ya daina Kiran kansa shugaban jam’iyyar PDP, duba da yadda kotu ta rushe su tun abaya.

Continue Reading

Manyan Labarai

Zargin Badakala- kwamitin dattawan APC a karamar hukumar Fagge ya sauke Ali Baba

Published

on

Tambarin APC

kwamitin dattawan jam’iyyar APC na karamar hukumar Fagge ya bayyana dakatar da shugaban sa Hon Ali Baba Agama Lafiya Fagge sakamakon zargin sa da almundahana.

Cikin wata takarda Mai dauke da sa hannun jami’in yada labaran Kungiyar na daya da na biyu, Hon Salisu Shitu da Hon Shehu Sani Chidozie ta bayyana cewa kwamitin dattawan na zargin Ali Baba da yin sama da fadi da wasu kudade da Kuma motocin da aka bashi ya rabawa ‘yan kwamitin.

A madadin dattawan jam’iyyar APC na karamar hukumar Fagge muna sanar da shugaban jam’iyyar APC na kano, shugaban Dattawa, Mai Girma Gwamnan Jihar kano, Dan takarar gwamnan kano, da mataimakin sa, cewa mun dakatar da shugaban kwamitin dattawan jam’iyyar APC na karamar hukumar Fagge daga shugabancin kwamitin sakamakon zargin sa da almundahanar kudade da motoci wadanda aka bashi ya rabawa kwamitin, wanda har yanzu ba’a bamu ba.” inji sanarwar.

Sai dai duk kokarin mu na jin ta Bakin Hon Ali Baba Agama Lafiya hakan mu bai cimma ruwa ba, da zarar mun same shi zamu martanin sa kan batun.

Continue Reading

Trending