Connect with us

Siyasa

Barau Jibrin muke fata a 2023 –Sunusi Awuchi Gwammaja

Published

on

Wani dan siyasa a jihar Kano Sunusi Awuchi Gwammaja ya bayyana cewa babu wanda ya dace ya gaji kujerar gwamnan Kano Dakta Abdullahi Umar Ganduje 2023 kamar Sanata Barau I. Jibril Maliya

Yayin tattaunawar da Awuchi Gwammaja yayi da gidan rediyon Dala ta cikin shirin Hangen Dala na jiya Talata, ya bayyana cewa kaf Najeriya babu jihar da sukai dacen gwamna mai aiki kamar jihar Kano.

Haka kuma ya ce baya ga ayyukan da gwamna Ganduje keyi na alkhairi, to babu wanda ya dace ya gajeshi kamar Sanata Barau I. Jibril, saboda irin gudumawar da yake bayarwa a majalisa da babban kwamitin da ya rike na kasafin kudi.

A cewarsa sunyi hakan ne saboda kada ‘yan jam’iyyar hamayya su samar da wani yunkuri na wanda zai gaji gwamnatin jihar Kano.

Labarai masu alaka:

Mun siyo na’urar da zata rika gano mana masu laifi a duk inda suke –Ganduje

Saurari shirin Hangen Dala na ranar Juma’a 27 09 2019

Siyasa

Yanzu ne Buhari ya fara bin dokar kasa –Kwamaret Hamisu K/Na’isa

Published

on

Wani manazarci kan al’amuran yau da kullum kuma shugaban kungiyar cigaban ilimi da cigaban dimokradiyya a Kano Kwamaret Umar Hamisu Kofar Na’isa ya bayyana cewa a yanzu gwamnatin tarayya ta fara bin tsarin dokokin kasa, ba kamar lokutan baya ba inda gwamnatin ke yin fatali da umarni da kotunan kasar nan ke bayarwa.

Idan muka kalli batun Sambo dasuki lokutan baya ana tuhumar sa da laifin barnatar da kudade tare da laifin mallakar makamai ba bisa ka’ida ba, kuma kotuna daban-daban sun bada belinsa har sau tara amma gwamnatin tarayya tayi biris da umarnin a cewar Hamisu Umar.

Kazalika wannan mataki na rashin bin doka ya sanya wasu daga cikin gwamnatocin jihohi sunyi koyi da ita wajen kin bin umarnin kotunan.

Amma matakin da Buhari ya dauka a yanzu na sakin Sambo Dasuki da Omeyele Sowore ya fara nunawa duniya cewa gwamnatin Najeriya ta fara bin doka, kuma muna fatan a dore da haka, domin tabbatar da adalci a kasar mu.

Labarai masu alaka:

Alakar shugaban kasa Buhari da Tunubu zai haifar da ‘yan kallo a shekarar 2023

Don mu bunkasa tattalin arzikin kasa da tsaro yasa muka rufe boda – Buhari

Continue Reading

Labarai

Kai tsaye: An dage cigaba da sauraron karar Abba da Ganduje

Published

on

Kotun daukaka kara dake zamanta a kaduna karkashin alkalai 5 ta kammala sauraron Dalilan daukaka karar Jam iyyar PDP da dan takarar gwamnan Kano a karkashin jam iyyar Abba kabir yusuf wadanda suke kalubalantar nasarar da kotun karbar korafe korafen zaben kano ta bawa Abdullahi umar Ganduje na Jam iyyar APC

A zaman kotun na yau lauyoyin hukumar zabe da karkashin J B Dawood SAN sun roki kotun da ta kori daukaka karar sakamakon kura-kurai da suka ce an yi a yayin shigar.

Lauyan Jam iyyar APC Barrister Effiong Effiong ya bayyana cewar basu da suka akan rokon da hukumar zaben tayi harma yace shi bai ga wata gamsasshiyr hujja da zata sanya a daukaka kara a hukuncin da mai shari’a Halima shamaki tayi wanda ta kori karar da PDP ta shigar bisa rashin gamsassun hujjoji ba.

Sai dai lauyan Jam iyyar PDP Adebayo Owomolo ya bayyana  cewar dalilansu na daukaka kara sahihai ne harma ya karanta wata takarda mai kunshe da sadara 9 ya kuma karanta wata takardar mai kunshe da sadara 11 wanda yake bayyana cewar suna da hujjojin daukaka kara

Har ila yau, Barrister Owomolo ya kuma roki kotun da ta rushe hukuncin Justice shamaki an kuma dage zaman dan yin hukunci.

Wakilinmu Yusuf Nadabo Ismail ya zanta da lauyan Abba Barrister Bashir Muhd Tudun-wuzirci

Shima lauyan Ganduje barrister Ma’aruf Muhammad Yakasai ya yi martani

Continue Reading

Labarai

Kai tsaye :Ana tsaka da fafatawa tsakanin lauyoyi

Published

on

Tuni kotun daukaka kara dake zamanta a kaduna karkashin alkalai 5 ta zauna domin fara sauraron daukaka karar da Jam iyyar PDP da dan takarar gwamna a karkashin jam’iyyar Abba kabir Yusuf suka shigar.

Inda suke rokon kotun da ta rushe hukuncin da mai Sharia Halima Shamaki tayi, wanda ta ayyana Abdullahi Umar Ganduje a matsayin wanda ya yi nasara a zaben shekarar 2019 sakamakon rashin gamsassun hujoji da masu kara suka gaza gabatarwa kamar yanda kotun ta ayyana.

A zaman kotun da ake yi a daidai wannan lokaci lauyoyin hukumar zabe da suka hadar da J B Dawood da A A Raji da Abdulkarim Maude sunyi suka akan yanda aka shigar da karar.

Barrister Dawood ya bayyanawa kotun cewar suna suka akan dalilan daukaka karar.

Hukumar zaben ta bakin lauyoyinta sunyi suka akan dalilai na 1 da 2 na da da na 3 da 8 da 13 da 14 da 15 da 16 da 17da dalili na 18.

Wasu daga cikin ‘yan jam’iyyar PDP kenan a harabar kotun daukaka kara dake Kaduna

Barrister Dawood ya bukaci kotun tayi nazari akan wadannan dalilai ya kuma roki kotun da ta kori daukaka karar sakamakon rashin ingancin dalilan masu daukaka kara

Yayin da yake maida martani lauyan Jam’iyyar PDP Barrister Adebayo Awomolo ya bayyana cewar dalilan daukaka karar suna da inganci.

Magoya bayan jam’iyyar APC a harabar kotun daukaka kara dake Kaduna

Harma ya karanta kunshin wata takarda mai dauke da sadarori 9 ya kuma karanta wata takardar mai kunshe da sadarori 11 wadanda yake bayyana ingancin dalilansu na daukaka karar.

Sai dai lauyan Ganduje Effiong Effiong shima yayi suka akan dalilan daukaka karar inda ya ayyana cewar masu daukaka kara basu da wani dalili na daukaka kara dan haka kotun ta kori daukaka karar.

Continue Reading

Trending

error: Content is protected !!
en_USEnglish
en_USEnglish