Connect with us

Labarai

sakin baki ta Facebook a kan Ganduje ya jawa wani zuwa kurkuku

Published

on

Kotun majistret mai lamba 10 karkashin mai shari’a, Muhammad Jibrin, ta aike da wani mutum gidan gyaran hali.

Mutumin mai suna, Sadi Bala Lamido, a na zargin shi da laifin sakin baki a kan gwamnan Kano, Dr. Abdullahi Umar Ganduje.

Kunshin zargin ya bayyana cewar, Sadi Bala Lamido, ya yi rubutu a dandalin sada zumunta na Facebook, inda ya yi wasu kalamai marasa kan gado, wadanda wasu ke zargin cewa da gwamnan Kano ya ke.

Yayin da a ka karanta masa tuhumar, mutumin Sadi Bala Lamido, ya musanta zargin wanda lauyan da ya ke kare shi ya roki kotun da ta sanya shi a hannun beli.

A nan ne lauyan gwamnati, Barrister Lamido Soron Dinki, ya ce ya na da suka kuma ya roki kotun da ta sanya wata ranar, domin ya yi suka a kan rokon bayar da belin.

wakilin mu Yusuf Nadabo Isma’il, ya rawaito cewa, kotun ta tsayar da ranar 15 ga wannan watan, domin lauya Lamido ya gabatar da suka a kan rokon neman beli.

Click to comment

You must be logged in to post a comment Login

Labarai

Aure: Haramin ne mace ta fita daga gida ba tare da izini ba – Dr Abdallah

Published

on

Limamin masallacin juma’a na Usman Bin Affan dake unguwar Gadan Ƙaya, Dakta Abdullah Usman Umar ya ce, ba dai-dai ba ne mata su rinƙa fita duk inda su ka so zuwa, ba tare da neman iznin mazajen su ba.

Dakta Abdallah Gadon Ƙaya ya bayyana hakan ne ta cikin shirin Rayuwa Abar Koyi na nan gidan rediyon Dala FM, wanda ya gudana da safiyar Juma’a.

Ya ce”Fitar da wasu matan ke yi ba tare da neman izinin mazajen su ba yin hakan saɓawa ne, kuma bai kamata mata su rinƙa cin mutuncin mazajen su ba, domin kuwa raina miji raina addini ne”. A cewar Dakta Aballah.

Wakilin mu Hassan Mamuda Ya’u ya rawaito cewa, Dakta Abdullah Gadan Ƙaya, ya kuma shawarci magidan ta, da su kaucewa yin azalo ga matan su, domin yin hakan ba dai dai ba ne ba a tsarin addinin Musulunci.

Continue Reading

Labarai

Shan Kwayoyi: Kowa sai ya bayar da gudunmawa a bangaren- Farfesa Hafsat Ganduje

Published

on

Matar gwamnan Kano, Farfesa Hafsat Umar Ganduje, ta ce yaki da shan miyagun kwayoyi a tsakanin matasa ba zai tabbata ba, har sai kowa ya bayar da gudunmawar sa a fannin.

Farfesa Hafsat Ganduje ta bayyana hakan ne, a yayin wani rabon bayar da tallafin kekuna da kayan karatu ga dalibai, wanda ya gudana a  hukumar Shari’a.

Ta ce”Gwamnatin Kano na iya kokarin ta wajen yaki da shan miyagun kwayoyi, amma duk da haka sai kowa ya shigo ya bayar da ta sa gudunmawar, yanzu haka gwamnatin Kano ta kara daura dammara wajen gyara tare da samar da kayayyakin da a ke da bukata a makarantar gyaran hali dake karamar hukumar Kiru”. Inji Farfesa Hafsat Ganduje.

Wakilin mu Ahmad Rabi’u Ja’en ya rawaito cewa, a yayin bayar da tallafin an raba kekunan hawa da jakunkuna na makaranta ga wasu daga cikin daliban Firamare.

Continue Reading

Labarai

Rahoto:  Mu kara godiya ga Allah da mu ka sake ganin watan Mauludi – Limamin Gwazaye

Published

on

Limamin masallacin juma’a na Ammar bin Yasir da ke unguwar Gwazaye gangar ruwa a karamar hukumar Gwale, Malam Zubairu Almuhammdi ya ce, musulmi su kara jaddada godiyar su kasancewar su na cikin al’ummar manzon Allah (S.A.W).

Malam Zubairu Almuhammdi, ya bayyana hakan ne yayin da ya ke yi wa gidan rediyon Dala FM karin bayanin abin da hudubarsa ta kunsa.

Domin jin cikakken bayanin hudubar saurari wannan.

Continue Reading

Trending

error: Content is protected !!